Name: Интегрални мафини со сирење
Prep time: 10 min
Cook time: 40 min
Total time: 50 min
Yield: 18
Ingredients: шолја интегрално брашно; сирење; микс семиња; сода бикарбона; шолја газирана вода; сол; јајца; жолчка од јајце; сусам

Ги правам овие вкусни мафини веќе со години, и тие сè уште се еден од омилените оброци во нашиот дом. Тие се екстремно лесни за правење, вкусни се и крцкави затоа што се полни со сирење и семиња, а исто така се и суперхранливи. Можете да ги јадете свежи со чаша јогурт или ајран, може да ги јадете со чај, па дури може и да направите мали сендвичи од нив – само пресечете ги на половина, премачкајте ги половините со некој лесен намаз и ставете парче кашкавал, краставица и домат помеѓу нив. Целото ваше семејство ќе ги обожава. Bake some love!

Состојки

0/9 Состојки

Прилагоди број на порции

1.5 шолја интегрално брашно (јачменово или 'ржано)
300 гр. сирење
150 гр. микс семиња (ленено семе, сончоглед, семки од тиква, сусам)
1.5 каф. лаж. сода бикарбона
2/3 шолја газирана вода
1/2 каф. лаж. сол
2 јајца
1 жолчка од јајце (за премачкување)
2 каф. лаж. сусам (за посипување)

Инструкции

0/2 Инструкции

Чекор 1 Измешајте ги сите состојки заедно во сад со помош на лажица. Со лажица ставајте од смесата во калап за мафини (јас користев 2 калапи со вкупно 18 длабини за мафини 12+6). Доколку имате калапи на кои мафините често знаат да се залепат и да бидат тешки за вадење, тогаш може во длабините да поставите мали парченца хартија за печење.
Чекор 2 Печете 20 минути на 180 степени. Извадете ги мафините од рерна, премачкајте ги со изматена жолчка, посипете ги со сусам, а потоа вратете ги во рерна уште 20 минути. Оставете ги да се изладат, па извадете ги од калапите и послужете.