Интегрални мафини со сирење
Ги правам овие вкусни мафини веќе со години, и тие сè уште се еден од омилените оброци во нашиот дом. Тие се екстремно лесни за правење, вкусни се и крцкави затоа што се полни со сирење и семиња, а исто така се и суперхранливи. Можете да ги јадете свежи со чаша јогурт или ајран, може да ги јадете со чај, па дури може и да направите мали сендвичи од нив - само пресечете ги на половина, премачкајте ги половините со некој лесен намаз и ставете парче кашкавал, краставица и домат помеѓу нив. Целото ваше семејство ќе ги обожава. Bake some love!
Порции:
18
yield(s)
Подготовка:
10
мин.
Готвење:
40
мин.
Вкупно време
50
мин.
Состојки
-
1.5
шолја интегрално брашно
(јачменово или 'ржано)
-
300
g
сирење
-
150
g
микс семиња
(ленено семе, сончоглед, семки од тиква, сусам)
-
1.5
tsp
сода бикарбона
-
2/3
шолја газирана вода
-
1/2
tsp
сол
-
2
јајца
-
1
жолчка од јајце
(за премачкување)
-
2
tsp
сусам
(за посипување)
Инструкции
-
Измешајте ги сите состојки заедно во сад со помош на лажица. Со лажица ставајте од смесата во калап за мафини (јас користев 2 калапи со вкупно 18 длабини за мафини 12+6). Доколку имате калапи на кои мафините често знаат да се залепат и да бидат тешки за вадење, тогаш може во длабините да поставите мали парченца хартија за печење.
-
Печете 20 минути на 180 степени. Извадете ги мафините од рерна, премачкајте ги со изматена жолчка, посипете ги со сусам, а потоа вратете ги во рерна уште 20 минути. Оставете ги да се изладат, па извадете ги од калапите и послужете.