Денес ви претставувам почеток на серија со најразлични овесни појадоци припремени од претходниот ден или вечер. Поради брзото темпо на живот најчесто немаме време да појадуваме, па поради тоа јас и моите колешки на работа одлучивме во работните денови да си припремаме ваков појадок за следниот работен ден. Си обезбедивме на работа неопходен материјал: овесни снегулки и чиа семе на залиха, како и незасладена течност (најчесто млечен продукт). За сите останати додатоци, се водиме од нашата креативност и баш ни е интересно. Вака секој ден појадокот не’ чека спремен на работа! 🙂
Пробајте и вие да го воведете ова со вашите колеги, со семејството или со цимерите, па да видите кој од вас ќе прави најубав овесен појадок. Заедно е многу позабавно!
Ајде да разбиваме митови дека немаме време за појадуваме во работните денови, а камо ли да припремаме појадок наутро (и тоа здрав)! Се’ што ви треба за да почнете се вакви слатки теглички и желба.
Состојки
Инструкции
- Го мешаме чиа семето со малку млако млеко и мед, па го посипуваме во тегличките. Со тоа го правиме првиот слој на овесниот појадок.
- Убаво промешуваме малку овес со млеко, мед и путер од кикирики и го правиме второт слој во тегличката.
- Како трет слој ставаме тенки парчиња банана.
- Како четврт слој ставаме уште малку овес, кокос, кршени лешници и шумско овошје (замрзнато) за декорација.
- Ја затвараме тегличката и оставаме да отстои цела ноќ во фрижидер.
- Следното утро имаме мек и совршен сладок појадок.