Name: Здрави домашни крекери со сирење
Prep time: 15 min
Cook time: 30 min
Total time: 45 min
Ingredients: интегрално брашно; млеко; прашок за пециво; микс од ленено семе и сусам; ситно рендан пармезан; јајце; жолчка од јајце

Зависникот од здрави домашни грицки се пријавува на должност! Овие крекери со сирење се домашни, вкусни, хранливи и економични. Контролирајте што внесувате во својот организам преку конзумирање храна којашто сами ќе си ја направите, не можам да го кажам ова онолку пати колку што би било доволно поради неговата важност. И плус, овие грицки се навистина лесни за правење, а вашето семејство и пријатели ќе ги обожаваат (децата особено).

Состојки

250 гр. интегрално брашно (или барем 1/2 интегрално, 1/2 обично брашно)
150 мл. млеко (јас користам растително млеко)
2 каф. лаж. прашок за пециво
2 суп. лаж. микс од ленено семе и сусам
100 гр. ситно рендан пармезан
1 јајце
1 жолчка од јајце

Инструкции

0/4 Инструкции

Чекор 1 Во еден сад измешајте ги брашното, пецивото и солта. Додадете ги млекото (со бавно дотурање и мешање) и жолчката од јајце и замесете тесто.
Чекор 2 Тестото префрлете го во плех обложен со хартија и развлечете (со притискање на дланките) го навлажнети раце низ целата површина на плехот во правоаголна форма. Друг начин е да го земесете тестото на набрашнета површина, да го развлечете со сукало, па да го префрлите во плехот (изберете што ви е полесно во зависност од брашното што ќе го користите).
Чекор 3 Тестото треба да биде со дебелина од 0.5 цм. Премачкајте го израмнетото тесто со матено јајце, посипете го со семиња и посипете го пармезан.
Чекор 4 Печете 5 минути на 200 степени, па извадете ги и пресечете ги на коцки. Потоа повторно ставете ги во рерна уште 20-30 минути да се испечат (зависи од рерна).