Name: Крцкав и печен: Помфрит од сладок компир
Prep time: 10 min
Cook time: 35 min
Total time: 45 min
Yield: 4
Ingredients: батата - слатки компири; маслиново масло; пченкарен скроб; лук во прав; мелен црвен пипер; црн бибер; сол; сушен босилек или оригано

Уживајте во овие крцкави слатки компири, печени во рерна, како закуска со омилениот здрав сос или како прилог на некое главно јадење. Имате деца кои не јадат зеленчук? Верувајте ми, тие толку многу ќе ги засакаат овие компирчиња, што нивната кожа ќе блеска од бета-каротен (голем извор на витамин А). Слатките компири исто така се извор на витамин Ц и Б6. Пробајте го овој здрав рецепт којшто целото семејство ќе го засака!

Состојки

0/8 Состојки

Прилагоди број на порции

3 батата - слатки компири
2 суп. лаж. маслиново масло
2 суп. лаж. пченкарен скроб (по желба)
1 каф. лаж. лук во прав
1 каф. лаж. мелен црвен пипер
1/2 каф. лаж. црн бибер
1 каф. лаж. сол (по желба)
1 каф. лаж. сушен босилек или оригано

Инструкции

0/4 Инструкции

Чекор 1 Убаво измијте ги компирите и без да ги лупите исецкајте ги на долги и тенки парчиња.
Чекор 2 Парчињата компири ставете ги во длабок сад и зачинете со сол, лук во прав, босилек/оригано, скроб (по желба) и црн бибер. Ставете 2 лажици маслиново масло и промешајте убаво со дрвена лажица за се залепат зачините на секој компир, од секоја страна.
Чекор 3 Истурете ги компирите врз тава за печење со претходно поставена хартија и печете 20 минути на 220 степени. Наместете ги парчињата компири убаво во тавата, да не се поставени едни врз други, за да може добро да се испечат. Превретете ги компирите од другата страна и печете уште 15 минути.
Чекор 4 Оставете ги компирите да изладат 5 минути и уживајте во крцкавиот слатко-зачинет вкус.