Вегански десерт со мелени овесни снегулки

Овој пудинг може да го направите и да го јадете како појадок или десерт. Многу е вкусен и освежувачки и верувајте дека би го обожавале сите возрасти! Подгответе го и оставете го да отстои во фрижидер барем 1 час за најдобар вкус. Рецептот за здравиот џем кој се користи како состојка го имате тука.

• Комплексност: Лесна
• Категорија: Веганска храна, Вегетаријанска храна, Десерти, Појадок, Ужина

Состојки

Слој 1 и Слој 4

• 1 банана
• 1/4 шолја мелени овесни снегулки
• 10 g мелени јатки (по желба)
• 1 tsp какао
• 1 tbsp вода

Слој 2

• 1/4 банана (исецкана, залепена на ѕидовите на чашата)
• 1/3 шолја експандирани интегрални снегулки

Слој 3

• 2 tbsp здрав џем од малини (рецептот е во секција Намази)
• 1 tbsp овесни снегулки

Инструкции

1. Измелете ги овесните снегулки (и јатките) во блендер, додадете ја бананата, какаото и водата и блендирајте додека не добиете хомогена смеса. СПодолете ја добиената смеса на половина за да имате за 1 и 4 слој (1 чаша).
2. Поставете парчиња банана на ѕидовите на чашата и наполнете со експандирани интегрални житарки.
3. Додадете слој од здрав џем од малини и слој од кокосови снегулки.
4. Завршете со четвртиот слој (остатокот од чекор 1). Декорирајте по желба со какао или овошје.