Македонска чорба од леќа ??
Како и другите билки од фамилијата на мешунки, леќата (Lens culinaris) содржи многу белковини. Таа е нутритивно многу богата храна. Покрај тоа, таа е моќно средство за намалување на нивото на холестерол во крвта, а помага и во одржувањето на нивото на шеќерот во крвта. Едно од најздравите македонски јадења е познатата чорба од леќа којашто едноставно мора да ја пробате.
Порции:
4
yield(s)
Подготовка:
15
мин.
Готвење:
60
мин.
Вкупно време
75
мин.
Состојки
-
200
g
леќа
-
2
моркови
-
1
блага пиперка
-
2
помали компири
-
1
кромид
(сецкан)
-
1
домат
-
1
tbsp
благ црвен пипер
-
1
tbsp
буковец
-
1
tsp
црн бибер
-
1
tsp
сол
-
2
чешниња лук
(сецкани)
-
1
tbsp
свеж магдонос
-
1
tbsp
маслиново масло
Инструкции
-
Исецкајте ги ситно кромидот, пиперката, доматот и морковите. Излупете ги компирите и исецкајте ги на коцки.
-
Во тенџере на оган ставете малку масло да се загрее. Во загреаното масло ставете го кромидот и пржете го додека не омекне. Во тенџерето додадете ги сецканите моркови и компирите, па ставете
малку вода и оставете да се динстаат за кратко (5 минути).
-
Додадете ја сецканата пиперка и оставете да се динста со претходно ставените состојки околу 1 минута. Во тенџерето додадете ја
измиената леќа, исецканиот домат, па зачинете со буковец, црвена пипер, црн пипер и сол.
-
Постепено и со постојано мешање, додадете врела вода скоро до врвот на тенџерето, па покријте го со капак (предлагам тенџерето да не е целосно покриено со капакот, со цел да не дојде до претекување). По 10 минути, со кутлача наполнете една средна чаша со мешавината од тенџерето (зеленчук, зачини и вода) и ставете ја во блендер. Мешавината повторно вратете ја во тенџерето и промешајте, со тоа ќе добиете чорба со природно поголема густина. Оставете ја леќата да се вари на умерено слаб оган околу еден час.
-
Пред да ја тргнете чорбата од огнот, додадете ги магдоносот и лукчето (ситно сецкани). Варете
уште неколку минути и јадењето е готово. Топлата посна чорба од леќа послужете ја веднаш. На
здравје!