Јајца во италијански стил

Ова е само уште еден вид на едноставно приготвени јајца за појадок, кои со мали додатоци лесно добиваат италијански акцент. Какви се при дегустација? Апсолутно вкусни! Се служат на леб со сирење и лук, но имам за вас малку поинтересна, побрза и поздрава верзија без леб, а со истите вкусни состојки :) На здравје!

• Комплексност: Лесна
• Категорија: Главни јадења, Појадок
• Cuisine: Италијанска

Состојки

• 2 јајца
• 1 интегрална тортиља
• 1 tbsp путер
• 2 парчиња сирење
• 1.5 tsp макало од лук
• 1 tbsp свеж магдонос
• 2 tbsp свеж босилек
• 1.5 tbsp рендан пармезан

Инструкции

1. Растопете го путерот и измешајте го со макалото од лук и магдоносот. Половина од оваа смеса нанесете ја врз тортиљата, додадете го сирењето и преклопете ја. Запечете ја во микробранова печка до 4 минути, или додека не стане крцкава. Остатокот од смесата со лук ќе го премачкате врз преклопената и запечена тортиља.
2. Во меѓувреме, изматете ги јајцата, додадете го исецканиот босилек во садот со јајца, како и пармезанот. Пригответе ги во тава за пржење, со повремено мешање со помош на дрвена шпатула.
3. Штом тортиљата со лук и сирење е готова и премачкана со остатокот од смесата со лук и путер, пресечете ја на половина и истурете ги изматените јајца врз неа. Јас додадов и исецкана рукола и малку рендана моцарела за уште подобар изглед и вкус. На здравје!