Тајландско пилешко во сос од кикирики 🇹🇭
Според резултатите од анкетата што вчера ја објавив на story, увидов дека и вие сте добиле желба за некој специјалитет од азиската кујна. Ви претставувам еден извонреден тајландски рецепт, именуван како пилешко во сос од кикирики. Има егзотичен вкус и совршено одговара со прилог од компири или ориз. На здравје!
Порции:
4
yield(s)
Подготовка:
20
мин.
Готвење:
35
мин.
Вкупно време
55
мин.
Состојки
-
500
g
пилешки стек
-
1/3
tsp
сол
-
1/4
tsp
црн бибер
-
1/3
шолја путер од кикирики
-
1/2
шолја хопла за готвење или кокосово млеко
-
1
tbsp
мед
-
1
tbsp
соја сос
(со ниско ниво на сол)
-
1
tsp
сок од лимон
-
1
коцка супа растворена во 1 шолја вода
-
1
рака сецкани несолени кикирики
-
2
tbsp
сецкан босилек или магдонос
Инструкции
-
Пилешкото месо исецкајте го на коцки и ставете го во сад. Додадете сол, црн бибер и 1 лажица маслиново масло. Мешајте со лажица и оставете го месото да отстои 20 минути.
-
Во загреана тава додадете го маринираното пилешко и пропржете го во времетраење од 5 минути на висока температура. Намалете ја температурата и додадете коцка пилешка супа растворена во топла вода. Динстајте 25 минути на средна температура или додека речиси цела течност не испари.
-
Во меѓувреме, изматете ги стопениот путер од кикирики, медот, соја сосот и сокот од лимон во посебен сад, со помош ма жица за матење или виљушка. Додадете го кокосовото млеко или хоплата за готвење, добро промешајте и истурете ја смесата во тавата со месо. Промешајте и гответе уште 10 минути.
-
За декорација додадете сецкани кикирики и сецкан магдонос/босилек. Послужете го специјалитетот со компири или ориз како гарнир.