Рецепт на мајка ми: Печена риба
Во текот на моето детство, секогаш уживав во мирисот и вкусот на овој оброк! Ова е еден од највкусните рецепти на мајка ми, па со нејзина дозвола решив да го направам и да го споделам со вас. Дома, секогаш го правевме со крап, но денес го правев со ослиќ поради фактот дека е помалку калоричен и поздрав. Но, сосот е ист! Сосот е магичен! Превкусен. Пробајте, нема да зажалите.
Порции:
4
yield(s)
Подготовка:
20
мин.
Готвење:
60
мин.
Вкупно време
80
мин.
Состојки
-
6
филети риба ослиќ
(чистени)
-
4
компири (средна големина)
-
6
моркови
-
10
кисели краставички
-
2
cup
бело вино
-
1
tsp
сол
-
1
tbsp
сушена мајчина душица
-
1
tbsp
маслиново масло
-
1
чешне лук
(сецкано)
-
1.5
tbsp
интегрално брашно
Инструкции
-
Компирите исецкајте ги на кругови и наредете ги во тава за печење. Посолете со сол или вегета и сува мајчина душица.
-
Врз компирите наредете ги филетите риба, зачинети со истите зачини.
-
Меѓу компирите турете 1/2 шолја вино, 1 лажица вода и ставете ја тавата да се пече со алуминиумска фолија. Печете 30 минути на 180 степени, па извадете ја фолијата и печете уште 15 минути.
-
Во меѓувреме, делумно сварете ги морковите исецкајте ги на ситни коцки. И киселите краставички исто исецкајте ги на ситни коцки. Сите заедно ставете ги во тава за пржење, без масло, неколку минути за да испари течноста.
-
Додадете масло, додадете го лукчето и пропржете 10 минути. Додадете 1 шолја вино и оставете го сосот да се динста уште 10 минути. Растворете една и половина лажица интегрално брашно во остатокот вино и додадете го во сосот за да се згусне.
-
При крај на печењето на рибата, додадете го сосот над компирите. Печете уште 10 минути и послужете.