Појадок со љубов ❤️
Малите ситници го прават животот убав. Не знам колку често правите мали и слатки гестови за вашите најмили, но таа навика е нешто кое го прави животот уникатен, совршен и единствен. Само изберете некој ден, било кој, најобичен ден. Направете појадок полн со љубов за вашиот партнер, родител, брат, сестра, дете, пријател... Направете си појадок со љубов и сами на себе. Не ви треба ништо повеќе од желба.
Порции:
1
yield(s)
Подготовка:
5
мин.
Готвење:
10
мин.
Вкупно време
15
мин.
Состојки
-
2
јајца
-
2
парчиња интегрален леб
-
4
парчиња моцарела
-
неколку
листови рукола
-
1
tsp
путер
-
1
домат
-
1
tsp
сушено нане, оригано или мајчина душица
-
1/3
tsp
сол
-
1
парче алуминиумска фолија
Инструкции
-
Земете фолија, свиткајте ја неколку пати во должина се со цел да добиете долго парче во вид на танок линијар (долго околу 35 цм, широко 1-1.5 цм). Превиткајте ја на половина и заоблете ги краевите за да добиете форма на срце. Заоблените делови од срцето спојте ги еден до друг и прицврстете ги со друго мало парченце фолија. Со ова вашиот калап за јајца во вид на срце е спремен.
-
Испржете ги јајцата во калапот, посипете ги со сув зачин по избор и сол, а во меѓувреме ставете путер и моцарела на тостирани интегрални лепчиња и ставете ги во микробранова за да се растопи моцарелата. Декорирајте ги со рукола.
-
Послужете со свеж домат и парчиња моцарела.