Појадок: Омлет мафини

Ако сте дел од фановите кои обожаваат јајца за доручек, тогаш размрдајте ја вашата рутина за појадок со овие мини мафини. Ова е повеќе како 4 во 1 рецепт: 4 типа мафини со јајца за појадок кои можат да ги задоволат сите вкусови! Тие можат да се приготват предвреме и можат да се чуваат и во фрижидер со цел да ги искористите кога што сакате. Па, што чекаме?

• Комплексност: Лесна
• Категорија: Вегетаријанска храна, Главни јадења, Појадок, Разно

Состојки

За сите мафини

• 6 јајца
• 1 tsp сол
• 1 tbsp маслиново масло (се размачува во калапите на плехот)
• 1 tbsp сушен босилек

Мафини со лук и маслинки

• неколку сецкани маслинки
• 2 tbsp намаз од лук

Пица мафини

• 1 парче моцарела или лесен кашкавал
• 2 tbsp доматно пире

Македонски мафини

• 2 tbsp ајвар
• 1 парче бело сирење

Мафини со кисели краставички

• 2 сецкани кисели краставички
• 2 tbsp павлака

Инструкции

1. Припремете ги соодветните состојки за секој тип на мафини и поделете ги да има состојки за по три мафини од тип.
2. Земете плех за мафини со 12 калапи, премачкајте ги калапите со масло и наполнете ги до половина со состојки.
3. Во чинија изматете 6 јајца и сол (додадете и друг сушен зачин за поубав вкус и декорација) и истурете од смесата со јајца во секој калап од мафини додека не се наполни речиси до крај.
4. Печете 15-20 минути на температура од 180 степени, извадете ги мафините и послужете.
5. П.С. Од состојки може да изберете и комбинирате се што сакате! Сликајте ги вашите комбинации со таг на инстаграм @betyouarehungry и хаштаг #betyouarehungry.