Пилешко Хаваи (со ананас)

Овозможете си ментален одмор на Хаваите додека уживате во ова пилешко маринирано во мешавина од ананас и некои други слатки и зачинети состојки. Вкусете го овој егзотичен деликатес што побрзо!

• Комплексност: Средна
• Категорија: Вечера, Главни јадења, Разно, Ручек

Состојки

• 500 g пилешко месо
• 1/4 tsp сол
• 2 tbsp соја сос
• 1 tsp сушен благ црвен пипер
• 1 кромид
• 1 млад кромид
• 1 tbsp маслиново масло
• 2 пиперки (црвена или зелена)
• 1 свеж ананас (може и од конзерва иако со свеж е поздраво)
• 1/3 чили (додадете повеќе ако сакате полуто)
• 2 tsp мед (додадете повеќе ако сакате поблаго)
• 100 ml хопла за готвење
• 1 tsp палента

Инструкции

1. Пилешкото исецкајте го на коцки и зачинете го со со сол, соја сос, црвен пипер и малку масло. Оставете го да отстои 5 минути во таа маринада.
2. На малку масло пропржете сецкан кромид, млад кромид и пиперки, па потоа додадете го пилешкото и динстајте додека не омекне и додека убаво не се пригови (15 минути).
3. Додадете го сецканиот ананас и малку палента помешана со малку течност од ананасот. Препорачувам користење на свеж ананас поради тоа што тоа е поздрава верзија, но се прави и со ананас од конзерва.
4. Додадете чили, мед и хопла и динстајте уште 10 минути на слаб оган. Комбинирајте со ориз или компири како прилог.