Мексиканска кујна: Jајца во чинија од тортиља 🇲🇽
Ви претставувам нешто многу вкусно! Мексикански појадок со салца (или доматно пире комбинирано со чили зачин), сирење и јајца. Му доаѓа како пикантно топено сирење какво што не сте пробале досега! Најдобро од се' е што може да си го зачините со интензитет по ваша желба. Се прави во интегрална тортиља која станува превкусна и крцкава, а вие само си ја кршите дел по дел и си мацкате од сочната внатрешност! Резервирајте си еден ден од претстојниот викенд за овој уникатен појадок.
Порции:
1
yield(s)
Подготовка:
5
мин.
Готвење:
30
мин.
Вкупно време
35
мин.
Состојки
-
1
интегрална тортиља
-
2
јајца
-
2
тенки парчиња сирење чедар
(се продаваат парчиња во кесички, на Президент и Мегле ми се омилени)
-
2
парчиња рендана моцарела
-
1/4
tsp
сол
-
1/4
tsp
чили
(додадете повеќе ако сакате)
-
2-3
tbsp
доматно пире
(или салца)
-
3
листови рукола или босилек
(за декорација)
Инструкции
-
Тортиљата стоплете ја 20-30 секунди во микробранова печка за убаво да омекне.
-
Доколку имате калап за средни мафини, можете да го премачкате со малку масло и да ја поставите внатре тортиљата/тортиљите во вид на сад. Доколку немате такви калапи, може да користите како мене керамичка длабока чинија за чорба.
-
Во внатрешноста на садот направен од тортиља ставете едно парче чедар, па доматно пире со чили (или салца), посипете со малку рендана моцарела и врз сето тоа ставете ги претходно изматените јајца. Печете во рерна, 15-20 минути на 190 степени.
-
Извадете го калапот/чинијата со тортиља од рерната, ставете го второто парче чедар, остатокот од ренданата моцарела и сецканата рукола/босилек. Печете уште 15 минути.
-
Штом е готово, посипете со уште малку чили зачини и со тоа појадокот е готов. Доколку го правевте појадокот во калапи, извадете ги тортиљите и ставете ги во чинии за послужување, а доколку го правевте во чинија за чорба, може да послужите директно во самата чинија откако малку ќе се излади.
-
Кршете си од тортиљата и мацкајте си од внатрешноста на овој прекрасен специјалитет!