Македонска мусака ??
Иако во грчките рецепти има најмногу варијации на мусака, а се тврди дека нејзиното потекло е од Турција, поточно од Отоманската империја, за мене постои само оваа македонска мусака. Лесна, кремаста и вкусна. Мојата мусака е поразлична од другите затоа што не ја готвам со млеко, туку со вода. Мора да го пробате овој оброк што досега е послужен речиси во секој македонски дом!
Порции:
4
yield(s)
Подготовка:
15
мин.
Готвење:
60
мин.
Вкупно време
75
мин.
Состојки
-
1
kg
компири
-
500
g
мелено јунешко месо
-
1
кромид
-
2
tbsp
сушен зеленчук
-
1
tbsp
црвена пипер
-
1
tsp
црн бибер
-
3
tsp
вегета или сол
-
2
tbsp
маслиново масло
-
2
јајца
-
1/2
шолја јогурт
Инструкции
-
Во поголема тава стоплете го маслото и додајте го ситно исецканиот кромид. Дистајте го додека не омекне, па додајте го месото и динстајте околу 10 минути. Пред крајот додете ја вегетата или солта (јас користам химелајска сол), биберот и пиперот . Продинстајте го месото додека не биде целосно приготвено и тргнете ја тавата од оган.
-
Компирите излупете ги и ставете ги да во тенџере да се подварат малку (околу 10-15 минути) па пресечете ги на кругови (треба да бидат околу 4мм дебелина). Земете еден огноотпорен сад - тава, попрскајте ја со малку маслиново масло и наредете го првиот ред компири, посипен со сушен магдонос и сол (вегета).
-
Ставете го месото врз првиот ред компири, па ставете го вториот ред компири и посипете го и него со магдонос и сол.
-
Полијте една и половина шолја вода во мусаката, покријте со фолија и ставете ја да се печи на 190 степени околку 30 минути.
-
Извадете ја фолијата, внимателно истурете ја водата (компирите сега се делумно сварени и меки), па посипете ја мусаката со мешавина од јајца, јогурт и сол. Потоа печете уште 30 минути на иста температура, без фолија. Со ова компирите убаво ќе се потпечат.
-
Послужуваме со топка кисела павлака за уште поубав вкус!