Македонска кујна: Сарма
Ви претставувам едно од највкусните македонски јадења: сарма. Во основа се работи за полнети листови од зелка кои се подготвуваат претежно во зима. Бидејќи се подготвува во поголеми количини, сармата обично се јаде неколку дена. Ако можете да одолеете на искушението, послужете ја следниот ден после подготовката, затоа што тогаш има уште подобар вкус! И ова е наједноставниот рецепт за подготовка на сарми што секој од вас може да го совлада за една минута! Погледнете го!
Порции:
6
yield(s)
Подготовка:
20
мин.
Готвење:
150
мин.
Вкупно време
170
мин.
Состојки
За сармите
-
12-16
листови кисела зелка
(се купуваат и во маркет)
-
500
g
мелено телешко месо
-
200
g
ориз
-
1
мала главица кромид
(ситно сецкана или блендирана)
-
1
tsp
буковец
-
1
tsp
црвен пипер
-
1.5
tbsp
здрава вегета од Виталиа
-
1
tsp
сушен босилек или оригано
-
3
tbsp
масло за готвење
За течноста
-
2
шолји ладна вода
-
1.5
tbsp
интегрално брашно
-
1/2
tbsp
црвен пипер
Инструкции
-
Подгответе ги листовите од зелка. Тие би требало да имаат правоаголна форма, така што доколку немаат, направете ја со ножици. Деловите од зелката што нема да се користат за виткање, ставете ги на дното на едно големо тенџере во кое ќе ги варите сармите.
-
Измешајте ги состојките за филот и ставете по 1-1.5 лажица од тоа врз секој лист зелка, пред да го преклопите. Ставете ја секоја сарма во тенџерето и гледајте да бидат прилепени цврсто една до друга, во еден или два реда.
-
Подгответе ја течноста потребна за готвење преку мешање на состојките и истурете ја врз сармите за да може убаво да ги покрие. Ставете чинија врз сармите со цел да не се растураат. Оставете ги да се готват на висока температура се додека не дојдат до степен на вриење, а потоа намалете ја температурата и варете ги 2,5-3 часа.