Лазања од интегрални тортиљи ??

Дали сте подготвени за брза и лесна варијанта на омилената лазања? Пробајте го следниов рецепт.

• Комплексност: Средна
• Категорија: Вегетаријанска храна, Главни јадења, Пица и тестенини, Ручек
• Cuisine: Италијанска

Состојки

• 8 интегрални тортиљи (пресечени на половина)
• 100 g пченка (конзерва)
• 100 g црвен грав (конзерва)
• 200 g доматно пире
• 200 g моцарела
• 150 g печурки
• 100 g намаз од лук (по желба)
• 30 ml газирана вода
• 1 јајце
• 1 tsp чили зачин
• 1 tsp сушен магдонос
• 1 парче обично сирење или моцарела

Инструкции

1. Ставаме хартија во тава за печење и ставаме 4 половинки тортиљи, наредени така што формираат тло без пропусти.
2. Премачкуваме со намаз од лук и ставаме црвен грав, моцарела, печурки, пченка и зачини врз намазот.
3. Попрскуваме со доматно пире (размачкуваме со лажица) и редиме нови тортиљи. Постапката ја повторуваме сѐ до последниот ред тортиљи, над тој ред ставаме само прелив од газирана вода, маслиново масло и сушен магдонос.
4. Печеме 20 минути на 180 степени, па ја вадиме тавата и ја премачкуваме со смеса од јајце, јогурт и доматно пире.
5. Печеме уште 10 минути на температурата од 200 степени, ја вадиме тавата и над лазањата рендаме вкусно бело сирење.