Интегрални ѓевреци: Песто Капрезе
Е многу сакам интегрални ѓевречиња, идеални се за појадок и може да ги земете со вас и јадете каде што ќе посакате. За денес ви подготвив превкусна комбинација на овие ѓевреци, а тоа е со песто сос и со мини капрезе салата. Верувајте, многу вкусна комбинација! Ѓевреците може и да ги купите доколку се направени од исклучиво интегрално брашно, но може и да ги направите според моите инструкции. На здравје!
Порции:
6
yield(s)
Подготовка:
15
мин.
Готвење:
45
мин.
Вкупно време
60
мин.
Состојки
Песто сос
-
1
шолја свежи листови босилек
-
2
чешниња лук (исцекани)
-
50
g
индиски ореви
-
1/3
шолја рендан пармезан
-
4
tbsp
маслиново масло
Капрезе
-
1
домат за секој ѓеврек
(исецкан на тенки парчиња)
-
8-10
парчиња моцарела за секој ѓеврек
(ѓеврекот е пресечен на две половини)
Ѓевреци
-
500
g
интегрално брашно
-
1
квасец
-
1
шолја млака вода
-
2.5
tbsp
мед
-
1
tsp
сол
-
неколку
tbsp
сусам
(за посипување)
-
1
tbsp
овес
(за посипување)
Инструкции
За ѓевреците
-
Во сад измешајте ги сувите состојки (брашното и солта).
-
Квасецот убаво измешајте го во млаката вода и веднаш додадете го на сувите состојки.
-
Замесете го тестото. Во зависност од брашното, можеби ќе треба да додадете вода или уште малку брашно. Треба да добиете средно меко брашно, како за леб.
-
Ставете во тенџере 1 литар вода и 2 лажици мед и оставете да се загрева.
-
Додека да почне водата да врие, без претходно киснење, оформете ги ѓевречињата. Во вода што врие ставете ги ѓевречињата да се варат околу 3-4 минути.
-
Извадете ги од водата и ставете ги на сува крпа да одморат околу минута-две, но не подолго. Ако ги оставите премногу долго, сусамот и овесот во кои ќе ги валате, нема доволно да се налепат.
-
Сварените ѓевреци валајте ги во сусам и овес, па наредете ги во тава на хратија за печење.
-
Печете на 200°Ц на средина на рерната, околу 40 минути, односно додека не станат крцкави. Внимавајте да не ги препечете, затоа што тестото од интегрално брашно нема иста структура додека е многу топло и кога ќе се подизлади.
За песто сосот
-
Сомелете ги индиските ореви. Додадете ги свежите листови босилек, пармезанот и 1 лажица маслиново масло и изблендирајте за да добиете хомогена смеса. Додадете уште една лажица масло, па пак изблендирајте пак. Додадете ја и третата лажица масло, пак изблендирајте и со тоа вашиот песто сос е готов.
Последна подготовка
-
Секој ѓеврек пресечете го на половина и премачкајте ги двете половини со песто сос.
-
Врз сосот наредете парчиња домати и парчиња моцарела, па завршете со уште малку песто сос за декорација.