Индиска Кујна: Гарам Масала Кари со спанаќ и пилешко ??

Индиската кујна е една од најразновидните кујни во светот. Индиски зачини може да набавите во било која продавница за зачини во европските градови, а може да нарачате и online.

• Комплексност: Тешка
• Категорија: Главни јадења, Ручек
• Cuisine: Азиска, Индиска

Состојки

• 500 g пилешко филе
• 300 g спанаќ
• 1 tsp гарам масала
• 1 tsp зелен кардамон
• 1 tsp коријандер
• 1 tsp ким
• 1 tsp куркума
• 1 tsp црн бибер
• 1 tsp ѓумбир
• 1 tsp чили
• 1 tsp сол
• 2 tbsp намаз од лук или толчен лук
• 2 кромид
• 1/2 лимон ((лимонов сок))
• 1/2 cup јогурт, неутрална павлака или бешамел сос
• 2 tsp маслиново масло
• 2 сецкани домати

Инструкции

1. Пилешкото месо исечено на коцки го маринираме 24 часа во фрижидер со сок од лимон, јогурт, ѓумбир и намаз од лук.
2. Спанаќот го ставаме 2 минути во зовриена вода, па го блендираме заедно со млекото.
3. Во длабока тава загреваме маслиново масло и ги ставаме зачините ким, гарам масала, кардамон, црн бибер.
4. Штом кимот ја промени бојата, го додаваме сецканиот кромид и динстаме додека не се карамелизира.
5. Додаваме пасирани домати, готвиме 10 минути на слаб оган, па го додаваме месото и готвиме уште 15 минути на силен оган.
6. Ги додаваме зачините коријандер, куркума, чили и сол, мешаме со дрвена лажица и готвиме на слаб оган уште 5 минути. Ја додаваме смесата од спанаќ и млеко и готвиме уште 10 минути. Послужуваме со басмати ориз.